Թուրքական զինուժը հարձակվել է Քոբանիի խաղաղ բնակիչների վրա

Թուրքիայի հետ սահմանին գտնվող սիրիական Քոբանի քաղաքի բնակիչների և թուրքական զինված ուժերի միջև բախում է տեղի ունեցել: Ինչպես հաղորդում է  «Ilerihaber» լրատվական կայքը,  թուրքական զինուժը հարձակվել է Քոբանիի խաղաղ բնակիչների վրա, ովքեր բոյկոտել են սահմանին Թուրքիայի կողմից «անվտանգության պատի» կառուցումը: Քոբանիի բնակիչները պնդել են, որ իբր անվտանգության նկատառումներով կառուցվող պատn իրականում կանգնեցվում է Սիրիայի տարածքում, ոչ թե` սահմանին, այդպիսով` թուրքական կողմը խախտում է սահմանը և մտնում սիրիական տարածք:

Ըստ Ermenihaber-ի՝ Թուրքիայի այս նախաձեռնությունը կանխելու համար բողոքի մասնակիցները օրեր առաջ վրան են խփել սահմանի մոտ  և ամենօրյա հսկողություն սահմանել: Իսկ այսօր Թուրքիայի զինված ուժերը հարձակվել են ցուցարարների վրա՝ կիրառելով գազային ռումբեր և ջրցան մեքենաներ: Հարձակման  հետևանքով վիրավորվել է 8  ցուցարար: Նշվում է, որ դեպքի վայր են ուղարկվել մեծ թվով թուրք զինվորներ և ոստիկանական ջոկատներ: