Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Մայր հայրենիքի կարոտը շատերին է տուն կանչում: ՀՅԴ Թեհրանի «Քրիստափոր Միքայելյան» պատանեկան կազմակերպության պատանիները ժամանել են Արցախ՝ մասնակցելու այնտեղ կազմակերպված բանակումին:
Բանակումի բացման հանդիսավոր միջոցառումը կայացել է «Արցախի հորոս» Աշոտ Ղուլյանի հիշատակի օրը ու հենց իր հիշատակը հավերժացնող հուշարձանի մոտ: Արարողությանը ներկա էին ինչպես Թեհրանի, այպես էլ ՀՅԴ Արցախի կառույցի անդամները:
Ողջույնի խոսքում ՀՅԴ Արցախի կառույցի անդամ Լեռնիկ Հովհաննիսյանը նշել է, որ կարեւոր չէ թե հայը որտեղ է ապրում՝ Թեհրանում, Սպահանում, Բեյրութում, թե Լոս Անջելեսում. կարեւորն այն է, որ մենք միասնական ենք, իսկ բոլորին միավորողը հենց Դաշնակցությունն է:
Բանակումը տեւելու է 8 օր, որից երեք օրը՝ Արցախում: Պատանիներն այցելելու են պատմամշակութային վայրեր եւ մի շարք հանդիպումներ են ունենալու Ղարաբաղում: Այնուհետեւ բանակումը կշարունակվի Երեւանում:
Հիշեցնենք, որ սա ՀՅԴ Թեհրանի «Քրիստափոր Միքայելյան» պատանեկան կազմակերպության նախաձեռնած 2-րդ բանակումն է Արցախում: