Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Հայկական երկու հանրապետությունների զինված ուժերի փոխգործակցության շրջանակում աշխատանքային այցով ԼՂՀ-ում է գտնվող Հայաստանի Հանրապետության պաշտպանության նախարար Սեյրան Օհանյանին օգոստոսի 22-ին ընդունել է Արցախի Հանրապետության Նախագահ Բակո Սահակյանը:
Հանդիպմանը, որին մասնակցել են ԼՂՀ վարչապետ Արայիկ Հարությունյանը, փոխվարչապետ Արթուր Աղաբեկյանը, պաշտպանության նախարար Լևոն Մնացականյանը, ՀՀ պաշտպանության նախարարի տեղակալ-նյութատեխնիկական ապահովման դեպարտամենտի պետ Մովսես Հակոբյանը, պաշտոնատար այլ անձինք, քննարկվել են բանակաշինությանը և այդ ոլորտում երկու հայկական պետությունների համագործակցությանը վերաբերող մի շարք հարցեր:
Նույն օրը Արցախի Նախագահ Բակո Սահակյանը, ՀՀ և ԼՂՀ պաշտպանության նախարարներ Սեյրան Օհանյանն ու Լևոն Մնացականյանը այցելել են ԼՂՀ հարավարևելյան սահմանագծի հատվածներից մեկը, հանդիպել հրամանատարական կազմի հետ, ծանոթացել ծառայության ընթացքին և շփման գծում տիրող իրավիճակին:
ՀՀ ՊՆ