Եթե ինչ-որ ձերբակալություն եղել է, ուրեմն ինչ-որ խնդիրներ կան. Սեյրան Օհանյանը՝ Սեֆիլյանի ձերբակալության մասին

Պաշտպանության նախարար Սեյրան Օհանյանն այսօր մի շարք բարձրաստիճան պաշտոնյաների հետ Շուշիի ազատագրման և Երկրապահի օրվա առթիվ այցել էր Եռաբլուր:

Սեյրան Օհանյանը, անդրադառնալով Ժիրայր Սեֆիլյանի ձերբակալությանը, նշեց. «Ցանկացած մեր մարտական ընկերոջ մասին մենք մտածում ենք, բայց, միևնույն ժամանակ, մենք ունենք կայացած պետություն, և եթե ինչ-որ ձերբակալություն եղել է, ուրեմն ինչ-որ խնդիրներ, թերություններ, խախտումներ կան: Հարցը պետք է տալ այն կազմակերպություններին, ովքեր նրան ձերբակալել են»:

Դիտարկմանը, թե, ըստ Մանվել Գրիգորյանի, Ժիրայր Սեֆիլյանը Շուշիի առանձնակի գումարտակի հրամանատար չէ, նախարարը պատասխանեց, որ Սեֆիլյանը առանձնակի գնդի հրամանատարն է եղել: «Ժիրայր Սեֆիլյանը եղել է հրամանատար Շուշիում տեղակայված 77-րդ առանձին մոտոհրաձգային գումարտակում»,- ասաց Օհանյանը: