Ըստ պաշտոնական տվյալների`2015-ին մոնոպոլ ներկրվող ապրանքների ներմուծումը ՀՀ նվազել է . «Հայկական ժամանակ»

«Օրերս հրապարակված պաշտոնական տվյալները ցույց են տալիս, որ 2015 թվականին մոնոպոլ ներկրվող ապրանքների ներմուծումը Հայաստան կտրուկ նվազել է 2014 թվականի համեմատ։ Սա որոշակի հետևություններ անելու հիմքեր է տալիս։

 Մասնավորապես շաքարի ներմուծումը կրճատվել Է 24 տոկոսով, բանանի ներկրումը՝ ավելի քան 16 տոկոսով և այլն։ Սա կարող է պայմանավորված լինել մի քանի գործոններով։ Անցած տարի չնայած պաշտոնապես արձանագրված տնտեսական աճին, ՀՀ բնակչության գնողունակությունը նվազել էր, և նշված ապրանքների սպառումը ևս կարող էր նվազել այդ պատճառով։ Բայց խնդիրն այն է, որ ամբողջ աշխարհում ու նաև միևնույն տնտեսական տարածքում գտնվող ՌԴ-ում նշված ապրանքների գները էականորեն իջել էին, իսկ Հայաստանում չէին փոխվել, կամ նույնիսկ թանկացել էին այն պարզ պատճառով, որ նշված ապրանքների հայաստանյան շուկաներում մրցակցությունը իսպառ բացակայում է: Եթե դրանց գները փոխվեին համաշխարհային շուկայի միտումների համապատասխան, ապա ՀՀ բնակչության գնողունակության անկման պայմաններում դրանց սպառումը այդքան չէր նվազի։ Եվ չի կարելի բացառել նաև ստվերի մեծացումը»,–գրում է թերթը։

Մանրամասները՝ թերթի այսօրվա համարում։