Պատանդառությունը դասվում է ծանր հանցանքների թվին. փաստաբան

Այսօր լրագրողների հետ հանդիպման ժամանակ  փաստաբան Արմինե Ֆանյանն անդրադարձել է  ՊՊԾ գնդի տարածքում գտնվող «Շտապօգնության» աշխատակիցների իրավունքներին: Նրա խոսքով` ֆորմալ իրավական առումով բժշկին պատանդ վերցնելը խիստ դատապարտելի է: Դեպքը պետք է ստուգվի, որովհետև հնչում են հակակշիռ տեսակետներ, պատանդ են նրանք, թե ոչ:Եվ եթե պարզվի, որ պատանդ են պահվում, ապա դա դատապտելի քրեական օրենսգրքի 218 հոդվածով, դասվելով ծանր հանցագործությունների շարքին, ծանր պատիժ է սպասվում, եթե նման հանցակազմ  քննությունը պարզի:

 Ըստ փաստաբանի, բժշկական օգնություն իրականացնող անձանց պատանդառության դատապարտումը ամրագրված է միջազգային նորմերով, և անգամ պատերազմական վիճակում բժշկական օգնություն իրականացնող անձանց  պատանդ վերցնելը արգելված է:

Արմինե Ֆանյանը նշեց, որ նաև պետության պարտականությունն  է ապահովել ՊՊԾ տարածում գտնվող անձանց, կյանքի իրավունքը և  բժշկական օգնության տրամադրումը, եթե կան վիրավորներ, հակառակ դեպում, նույն եվրոպական կոնվենցիայի համաձայն, դա կդիտվի որպես անմարդկային վերաբերմունք:

«Կյանքի իրավունքը այս կոնկրետ իրավիճակում  որևէ կերպ սահամափակման  ենթակա չէ, պետությունը բոլոր միջոցները պետք է ձեռնարկի ապահովելու ՊՊԾ գնդի տարածքում գտնվող բոլոր անձանց կյանքի իրավունքը: Խոսքը գնում է կյանքի` որպես բացարձակ արժեքի ապահովման պետության գործառույթի մասին: Պետությունը իրավական հիմք չունի չտրամադրել բժշկական  օգնություն ՊՊԾ գնդում գտնվող վիրավորներին»,- ասաց փաստաբանը: