Թուրքիայի ԱԳՆ-ն արձագանքել է Ֆրանսիայի խորհրդարանի՝ Ցեղասպանության ժխտման վերաբերյալ ընդունած որոշմանը

Թուրքիայի ԱԳ նախարարությունը գրավոր հայտարարություն է տարածել Ֆրանսիայի խորհրդարանի ստորին պալատի ընդունած` Ցեղասպանության ժխտման քրեականացման բանաձևի մասին՝ նշելով, որ այն «խոսքի ազատությունը սահմանափակող» է:

Հայտարարության մեջ նշվել է, որ Թուրքիան մոտիկից հետևել է այդ բանաձևի պատրաստման և ընդունման ընթացքին:

«Դեռևս չօրինականացված այս օրինագիծի՝ այս տեսքով ընդունման դեպքում այն կպարունակի խոսքի ազատության սահմանափակման պոտենցիալ ռիսկեր: Մենք կշարունակենք հետևել Ֆրանսիայի Սենատում գործընթացին: Հույս ունենք, որ ֆրանսիական Սենատը կհանի խոսքի ազատությունը սահմանափակող տարրերը», - ասվել է հայտարարության մեջ: