Հռոմի պապին կդիմավորի մանկակական երգչախումբը, կմատուցվի ծիրան եւ լավաշ. մանրամասներ

ՀՀ նախագահի աշխատակազմի ղեկավար Վիգեն Սարգսյանը ներկայացրեց Հայաստանում Հռոմի Ֆրանցիսկոս պապի մասնակցությամբ միջոցառումների ծրագիրը:

Ըստ «Արմենպրես»-ի` նախագահական նստավայրում լրագրողների հետ հանդիպման ժամանակ Վիգեն Սարգսյանը նախ հայտնեց, որ արդեն պատրաստ է և թողարկվել է «Հայփոստ» ընկերության նամականիշը` քահանայապետի այցի առիթով, որի մարման պաշտոնական արարողությունը տեղի կունենա Ֆրանցիսկոս պապի` Հայաստան ժամանելու օրը: Կենտրոնական բանկն էլ ունի հատուկ հուշամեդալ՝ նվիրված Հռոմի պապի` Հայաստան այցին, որը ևս թողարկվելու է այցի մեկնարկի օրը:

«Վիգեն Սարգսյանը հավելեց, որ Հռոմի պապի այցի հետ կապված շատ մեծ հետաքրքրություն կա  հայ արվեստագետների մոտ: «Գիտեք, որ մեր բազմաթիվ հեղինակներ այս օրերին իրենց արվեստով անդրադառնում են առաջիկա այցին, և կա շատ մեծ ցանկություն սրբազան քահանայապետին այցի ժամանակ փոխանցելու գերժամանակակից արվեստի գործեր և հիշողություններ պարգևող հուշանվերներ՝ կապված այս այցի հետ: Դա շատ հուզիչ է և նկատելի է, թե ինչքան մեծ ոգևորություն է առաջացրել այս այցը արվեստի բնագավառի ներկայացուցիչների մոտ: Սփյուռքում էլ է շատ մեծ հետաքրքրությունը այցի նկատմՍ մբ, և մենք տեսնում ենք շատ մեծ հոսք ուխտագնացների՝ մարդկանց, ովքեր ցանկանում են ներկա լինել այդ պատմական իրադարձությանը, և հարյուրավոր մեր հայրենակիցներ տարբեր վայրերից այս օրերին ժամանում են Հայաստան՝ մասնակցելու պաշտոնական միջոցառումներին, որ ընդգրկված են ծրագրում»,- ասաց Սարգսյանը:

Ծրագիրը սկսվելու է հունիսի 24-ին, ժամը 15:00-ին՝ Սրբազան քահանայապետի ժամանումով «Զվարթնոց» միջազգային օդանավակայան, որտեղ տեղի կունենա դիմավորման պաշտոնական արարողություն: «Գիտեք,  որ, պետության գլուխ դիմավորելիս,  մենք ունենք զինվորական պատիվներ, որոնք տրվում են արարողակարգային ընթացքով: Անշուշտ, հաշվի առնելով այն փաստը, որ սրբազան քահանայապետը ոչ միայն պետության ղեկավար է, այլ առաջին հերթին կաթոլիկ աշխարհի հոգևոր առաջնորդ, կան լրացումներ այդ բավականին խիստ ընդգծված արարողակարգին, և կլինեն լրացուցիչ էլեմենտներ, ինչպես օրինակ՝ մանկական երգչախումբը, որը կդիմավորի սրբազան քահանայապետին և այն, որ ժամանման պահին նրան կմատուցվի հայկական խորհրդանիշ հանդիսացող ծիրանը և լավաշը երեխաների կողմից: Տեղի կունենա կարճատև զրույց հանրապետության Նախագահի և  Ամենայն Հայոց Գարեգին Բ կաթողիկոսի հետ օդանավակայանի նախագահական տերմինալում: Այնուհետև սրբազան քահանայապետը կուղևորվի Մայր Աթոռ Սուրբ Էջմիածին, որտեղ տեղի կունենա Պապի բարիգալստյան հրաշափառի արարողությունը, որից հետո տեղի կունենա ծրագրի պետական մասի պաշտոնական մեկնարկը: Սրբազան քահանայապետը կժամանի նՍ խագահի նստավայր, որտեղ առանձնազրույց կունենա ՀՀ նախագահի հետ, որից հետո ՀՀ Նախագահը և Սրբազան քահանայապետը հանդես կգան հայտարարություններով՝ դիմելով ՀՀ պետական պաշտոնյաներին, Հայաստանում հավատարմագրված դիվանագիտական կորպուսի, հանրության ներկայացուցիչներին: Դրանից հետո սրբազան քահանայապետը կվերադառնա Մայր Աթոռ, որտեղ նրա պաշտոնական կեցավայրն է»,- մանրամասնեց Վիգեն Սարգսյանը:

Հունիսի 26-ի առավոտյան Մայր Աթոռում բաց խորանի մոտ տեղի կունենա պատարագ, որը կմատուցի Ամենայն Հայոց Կաթողիկոսը Սրբազան քահանայապետի հաղորդակցությամբ: Այնուհետև տեղի կունենան մի շարք միջոցառումներ Մայր Աթոռում, որից հետո Սրբազան քահանայապետը և Վեհափառ Հայրապետը կայցելեն հայ ժողովրդի և Հայ Առաքելական Սուրբ եկեղեցու համար կարևորագույն սրբավայրերից մեկը՝ Խոր Վիրապ, որտեղ միասին աղոթելուց հետո աղավնիներ բաց կթողնեն Արարատի ուղղությամբ և դրանով պաշտոնական ծրագիրը կավարտվի: Սրբազան քահանայապետը կմեկնի օդանավակայան` Հռոմ վերադառնալու համար»,- կարդում ենք կայքում: