ՕԵԿ-ը փորձում է ինքնամաքրվել

Այսօր կառավարության նիստում արդարադատության նախարար Արփինե Հովհաննիսյանը ներկայացրեց որոշում՝ հավանություն տալ «Ազգային ժողովի կանոնակարգ» օրենքում լրացում կատարելու մասին» հարցին, և այն սահմանված կարգով ներկայացնել Հայաստանի Հանրապետության Ազգային ժողով:

Նախարարը նշեց, որ կառավարությունը Ազգային ժողովի պատգամավորներ Հովհաննես Մարգարյանի և Մհեր Շահգելդյանի՝ օրենսդրական նախաձեռնության կարգով ներկայացրած նախագծի վերաբերյալ սկզբունքային առարկություններ չունի: Նախագիծը անվանափոխության մասին է, որը հնարավորություն կտա խմբակցություններին կատարելու ոչ միայն կազմի, այլ նաեւ անվան փոփոխություն:

Հիշեցնենք, որ այս նախագծով ԱԺ ՕԵԿ խմբակցությունը վերանվանվելու է «Հայկական վերածնունդ» խմբակցություն: