Ռուսաստանը մտադիր է պահպանել Հայաստանի հետ ռազմավարական գործընկերությունը. Շոյգու

Ռուսաստանը մտադիր է պահպանել Հայաստանի հետ ռազմավարական գործընկերությունը: Այդ մասին հայտարարել է Ռուսաստանի պաշտպանության նախարար Սերգեյ Շոյգուն Մոսկվայում ՀՀ ՊՆ ղեկավար Սեյրան Օհանյանի հետ հանդիպման ժամանակ. հայտնում է ТАСС-ը:

Շոյգուն հիշեցրել է, որ երկկողմանի ռազմական ու ռազմատեխնիկական համագործակցությունը կարգավորվում է ավելի քան 50 պայմանագրերով ու համաձայնագրերով: «Մեր համագործակցության տեմպերն ու հագեցվածությունը մեզ բավարարում են: Մենք համագործակցում ենք բոլոր ուղղություններով: Կարող եմ առանձին նշել կրթության ոլորտը»,- ասել է նա:

Շոյգուն հիշեցրել է, որ ՌԴ-ի ռազմական բուհերում շատ հայ զինվորականներ են սովորում. այս տարի ստացվել է ավելի քան 200 հայտ: 

Սեյրան Օհանյանն, իր հերթին, նշել է, որ ուրախ է հանդիպելու և պաշպանողական համագործակցությանն առնչվող որոշ հարցեր համաձայնեցնելու հնարավորությանը: