Թուրքիայի հնչեցրած պահանջներն ու մեղադրանքներն անհասկանալի են. Մերկել

Թուրքիայի հնչեցրած մեղադրանքները Բունդեսթագի` Հայոց ցեղասպանության մասին բանաձևին կողմ քվեարկած պատգամավորների հասցեին, անհասկանալի են. ըստ РИА Новости-ի` հայտարարել է Գերմանիայի կանցլեր Անգելա Մերկելը Ադրբեջանի նախագահ Իլհամ Ալիևի հետ համատեղ ասուլիսում:

«Գերմանական խորհրդարանի կողմից ընդունված բանաձևի կապակցությամբ հայտնի է, որ կան 2 տարբեր կարծիքներ` գերմանական բունդեսթագի և թուրքական կողմի: Ես անձնապես այդ կապակցությամբ կշարունակեմ ելույթ ունենալ Հայաստանի ու Թուրքիայի միջև ուղիղ բանակցությունների օգտին: Գերմանական խորհրդարանի պատգամավորներն ազատ ընտրված պատգամավորներ են` առանց բացառության, և' պահանջները, և' հայտարարությունները, որոնք հնչում են թուրքական կողմից, ես համարում եմ անհասկանալի»,- ասել է կանցլերը: