«Քեզ` ի՞նչ». CNNTurk-ի հաղորդավարի կոպիտ պատասխանը՝ Էրդողանին

Թուրքիայի նախագահ Ռեջեփ Թայիփ Էրդողանը երեկվա իր ելույթում հերթական անգամ անդրադարձել է «բազմանալու» թեմային: Էրդողանը, ով ամեն առիթով շեշտում է հակաբեղմնավորիչ դեղահաբերին դեմ լինելու մասին, հայտարարել է. «Նա, ով աշխատելու պատրվակով հրաժարվում է մայրանալուց, հրաժարվում է կին լինելուց: Սա իմ անկեղծ կարծիքն է: Նա, ով մերժում է մայր դառնալը, մերժում է տան տնտեսուհի լինելը: Որքան էլ իր աշխատանքում հաջողակ լինի, առերեսված է իր ազատությունը կորցնելու վտանգի հետ: Նա ինչ-որ բանով պակաս է, կիսատ: Մայրանալուց հրաժարվել` նշանակում է մարդկությունից հրաժարվել»:

Ի պատասխան Էրդողանի ելույթին՝ CNNTurk-ի հաղորդավար Նևշին Մենգյուն twitter-յան իր էջում գրել է. «Չեմ ցանկանում, այ մարդ,  զոռո՞վ է մայրանալը: Քեզ՝ ի՞նչ, ում՝ ի՞նչ»:

Թուրքական Haberler կայքը «սկանդալային» է որակել հաղորդավարի այս խոսքերը: