Շրջանավարտներն այսօր տոնում են Վերջին զանգը

Հանրապետության 1400 դպրոցներում այսօր կհնչի Վերջին զանգը: Այս տարի դպրոցն ավարտում է 25 000 աշակերտ, որը համարժեք է նախորդ տարվա ցուցանիշին: 

Վերջին զանգի արարողությունը կսկսվի մեկ րոպե լռությամբ` ի հիշատակ զոհված զինծառայողների:  Նշենք, որ ոստիկանությունն այսօր աշխատելու է յուրաքանչյուր դպրոցի հետ. նրանք լինելու են անգամ այնտեղ, որտեղ շրջանավարտներն իրենց խնջույքն են կազմակերպելու:

Ավելի վաղ Yerkir.am-ը հայտնել էր, որ Արցախում 1375 12-րդցիներ հրաժեշտ կտան դպրոցին: Մատաղիսի և Թալիշի դպրոցներում, բնականաբար, չի լինի Վերջին զանգի արարողություն: Թալիշի ու Մատաղիսի շրջանավարտներն իրենց ավարտական վկայականը կստանան այն դպրոցներից, որտեղ տեղափոխվել են այս օրերին: