Առաջնահերթ խնդիրը ագրեսիայի նոր բռնկում չթույլատրելն է. Մարիա Զախարովան` ԼՂ-ում ստեղծված իրավիճակի մասին

ԼՂ շուրջ ստեղծված իրավիճակում անհրաժեշտ է զսպվածություն ցուցաբերել: Առաջնահերթ խնդիրը ագրեսիայի նոր բռնկում չթույլատրելն է. այսօր լրագրողներին ասել է ՌԴ ԱԳՆ պաշտոնական ներկայաուցիչ Մարիա Զախարովան:

«Այն, ինչ հիմա կատարվում է Լեռնային Ղարաբաղում, մեր` նախորդ ճեպազրույցներում բարձրաձայնած թեզիսի ապացույցն է, որ ներկայումս, առավել, քան երբեք, պահանջվում է զսպվածություն և հարկավոր է վերականգնել կայունությունը»,- ըստ
РИА Новости-ի` հայտարարել է նա:

Զախարովայի խոսքով` ՌԴ ԱԳՆ-ն համոզված է, որ կողմերը պետք է վերսկսեն բանակցային գործընթացը, որն ուղղված պետք է լինի կայուն խաղաղ կարգավորմանը:

«Սկզբունքային կարևոր ենք համարում եղած պայմանավորվածությունների հիման վրա ռազմական ռիսկերի նվազեցման ուղղված աշխատանքների ակտիվացումը»,- հավելել է նա: 

Ըստ Զախարովայի` անշուշտ, ամենակարևորը ներկա պահին նոր արյունահեղությունը կանխելն է, այնպիսի մթնոլորտ ձևավորելը, որը կնպաստի բանակցությունների վերսկսմանը: