ՅՈւՆԵՍԿՕ-ն պատրաստ է աջակցել Պալմիրայի վերականգնմանը

ՅՈՒՆԵՍԿՕ-ի ներկայացուցիչները պատրաստակամություն են հայտնել ֆինանսական և փորձագիտական օժանդակություն ցուցաբերել Պալմիրայի վերականգնման ընթացքում. լրագրողներին հայտնել է Սիրիայի մշակույթի նախարար Իսամ ալ Խալիլը:

Նախարարը նշել է, որ փորձագետները գնահատում և վերլուծում են պատմական կառույցների ու թանգարանների վնասները:

Ըստ մասնագետների` հնագույն Պալմիրան պահպանվել է 80 տոկոսով: Ցավոք, ԻՊ-ի ահաբեկիչները հասցրել են ոչնչացնել մի շարք հնագույն կառույցներ` Բելի տաճարը, Հաղթական կամարը և այլն, տուժել են նաև Սալահեդդինի ամրոցի շինությունները և ազգային թանգարանը:

Պալմիրայի վերականգնողական աշխատանքները կարող են տևել 3-5 տարի: