Երեկ զենքի հետ անզգույշ վարվելու հետևանքով ևս մեկ զինծառայող է զոհվել

2016թ. ապրիլի 21-ին մահացու հրազենային վիրավորում է ստացել պարտադիր ժամկետային զինծառայող` 1996թ. ծնված Կարեն Արտուշի Աղաբեկյանը: Այս տեղեկությունը yerkir.am-ի հետ զրույցում հաստատեցին Քննչական կոմիտեից: Նախնական տեղեկություններով` դեպքը տեղի է ունեցել զենքի հետ անզգույշ վարվելու հետեւանքով:

Նշենք, որ Կարեն Աղաբեկյանը Ջերմուկից էր, նրա հոգեհանգիստը տեղի կունենա ապրիլի 22-ին` ժամը 18.00-ին, Ջերմուկի Սբ Գայանե եկեղեցում: Հուղարկավորությունը տեղի կունենա ապրիլի 23-ին ժամը 13.00-ին:

Հիշեցնենք, որ երեկ` ժամը 07:00-ի սահմաններում, N զորամասի մարտական դիրքում պարտադիր ժամկետային զինծառայող, շարքային Հ.Բարեյանը, խախտելով զենքի հետ վարվելու կանոնները, իրեն ամրակցված ինքնաձիգը մաքրելու ժամանակ կրակոց է արձակել, որի հետևանքով գլխի շրջանում մահացու հրազենային վիրավորում է ստացել պարտադիր ժամկետային զինծառայող, շարքային Սպարտակ Քալաշյանը: