Համալիրը կունենա ձայնային նոր սարքավորումներ

Այսօր կառավարության նիստի օրակարգում ներառված է որոշում՝ «Կարեն Դեմիրճյանի անվան մարզահամերգային համալիր» պետական ոչ առևտրային կազմակերպությանն անժամկետ և անհատույց օգտագործման իրավունքով շարժական գույք ամրացնելու մասին:

Նախագծի ընդունումը պայմանավորված է Համալիրը ձայնային սարքավորումներով ապահովելու անհրաժեշտությամբ: Հիշյալ սարքավորումները ձեռք են բերվել Հայաստանի Հանրապետության կառավարության և Ճապոնիայի կառավարության միջև կնքված համաձայնագրի շրջանակներում և հանդիսանում են Հայաստանի Հանրապետության սեփականությունը:       

Որոշման ընդունմամբ Համալիրը կհամալրվի որակյալ ձայնային սարքավորումներով, ինչն էլ կնպաստի լիարժեք և արդյունավետ համերգային գործունեության իրականացմանը: