Այսօրվա ձյան պատճառով որևէ փողոց չի փակվել. «Սանիտեք»-ի սեփականատեր

Այսօր տեղացած առատ ձյան պատճառով որևէ փողոց չի փակվել. մի քանի լրագրողների հետ զրույցում ասաց «Սանիթեք»  ընկերության սեփականատեր, գործադիր տնօրեն Նիկոլաս Թավիլը:

«Մի քանի փողոց կար, որտեղ սառույց էր, ինչը շատ նորմալ է: Այս պահին աշխատող 75 մեքենա կա, մոտավորապես 600 աշխատակից, և մեծ քանակությամբ աղ ենք շաղ տվել փողոցներում»,- ասաց նա` հավելելով, որ իրենք ներդրել են 19 միլիոն եվրո, 900-ից ավելի աշխատակից ունեն և 140-ից ավելի մատակարար:

Թավիլը նշեց նաև, որ «Սանիթեք»-ն իր ծառայույթյունները մատուցում է Երևան քաղաքի տասը վարչական շրջաններում, որտեղ տեղադրված է ավելի քան 9000 աղբաման: Տնօրենի խոսքով`միայն Էրեբունի և Ավան համայնքի տարածքներում իրենք չեն աշխատում, բայց առաջիկայում իրենց ծառայությունները հասանելի կլինեն նաև այս վարչական շրջանի բնակիչների համար: