Պատահար` Վանաձոր-Ալավերդի ավտոճանապարհին

Հունվարի 25-ին, ժամը 11.36-ին տեղեկություն է ստացվել, որ Վանաձոր-Ալավերդի ավտոճանապարհին՝ Թումանյան քաղաքի մոտակայքում, տեղի է ունեցել ՃՏՊ, ավտոմեքենան դուրս է եկել ճանապարհի երթևեկելի հատվածից և ընկել ձորը, կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Վանաձոր-Ալավերդի ավտոճանապարհի 36-րդ կմ-ին «Մերսեդես մլ» մակնիշի 14 SU 606 պետհամարանիշով (վարորդ` 1993 թ. ծնված Գ. Թ.) ավտոմեքենան դուրս է եկել ավտոճանապարհի երթևեկելի հատվածից և կողաշրջվել մոտակա ձորակը:

Մինչ հրշեջ-փրկարարների կանչի վայր հասնելը վարորդը և ուղևորը տեղափոխվել են Ալավերդի քաղաքի ԲԿ, որտեղ բժիշկները տուժածների առողջական վիճակը գնահատել են բավարար:

Հրշեջ-փրկարարները հոսանքազրկել են ավտոմեքենան և փակել գազի բալոնի փականը: