2014-ին Հայոց ցեղասպանության թանգարանը ընդգրկվել է «Ֆորբս»-ի հիշատակի թանգարանների ցանկում

Այսօր` լրագրողների հետ հանդիպման ժամանակ, Հայոց ցեղասպանության թանգարան-ինստիտուտի ղեկավար Հայկ Դեմոյանը ամփոփեց տարին:

Ըստ նրա` 2015թ. ապրիլի 21-ին տեղի ունեցավ Հայոց ցեղասպանության թանգարան-ինստիտուտի նոր ցուցադրության բացումը, որին տարվա ընթացքում ծանոթացել է մոտ 72 հազար այցելու: ՀՑԹԻ են այցելել բազմաթիվ պետությունների ղեկավարներ, նախագահներ` մոտ 71 պատվիրակություն: Ընդհանուր առմամբ, ՀՑԹԻ կողմից պատրաստված ժամանակավոր ցուցադրություններ են բացվել աշխարհի շուրջ 60 քաղաքներում, մասնավորապես` ապրիլի 28-ին Փարիզում բացվեց Հայոց ցեղասպանության 100-րդ տարելիցին նվիրված ցուցադրությունը:

2011-2015թթ. ընթացքում թանգարանը հրատարակել է մոտ 70 միավոր գրականություն` հայերեն, ռուսերեն, ֆրանսերեն, անգլերեն ժողովածուներ, գրքեր, անցկացվել են բազմաթիվ հանդիպումներ ու միջոցառումներ Սփյուռքի բազմաթիվ կառույցների և տեղական հանձնախմբերի հետ:

2014թ. ՀՑԹ-ն ընդգրկվել է «Ֆորբս»-ի հիշատակի թանգարանների ցանկում:

2015-ին թանգարան-ինստիտուտը կազմակերպել է դասընթացներ, թե ինչպես դասավանդել Հայոց ցեղասպանության թեման և ինչպես լուսաբանել: