Մինչև 2017 թվականը քաղաքական դաշտում ողջ մնալու խնդիր ունեն բոլորը. Շարմազանով

ԱԺ փոխխոսնակ Էդուարդ Շարմազանովն այսօր խորհրդարանում լրագրողների հետ զրույցում հայտարարեց, որ բոլորը մինչև 2017 թվականը քաղաքական դաշտում ողջ մնալու խնդիր ունեն: Ի դեպ, նա նշեց, որ դա իշխանությանը չի վերաբերում, քանի որ իշխանությունը ստացել է այդ վստահությունը և PR-ով զբաղվելու ժամանակ չունի:

Ըստ ԱԺ փոխխոսնակի` Ամանորից հետո ավելի սուր պայքար կսկսվի ընդդիմադիր դաշտում՝ ավելի լուրջ դերակատարում ունենալու և իրենց տեղը պահպանելու կամ ամրապնդելու համար: «Մենք կտեսնենք, որ նոր կուսակցություններ են ձևավորվում, որոնք նոր որակ են ուզում հաղորդել: Ես դա ողջունում եմ: Մենք մի բան հասկացանք, որ հանրությունը հոգնել է ռադիկալ, մարգինալացված, ատելության կոչերից, մենք անցել ենք այդ փուլը»,- ասաց Շարմազանովը և նշեց, որ աշխարհը, այդ թվում՝ Հայաստանը, փոփոխության է ենթարկվում: