Ռուսական ինքնաթիռի խոցումը պահի տակ էր. Էրդողան

Թուրքիայի նախագահ Ռեջեփ Թայիփ Էրդողանը Թուրքմենստանից վերադարձի ճանապարհին պատասխանել է լրագրողների հարցերին, հիմնականում՝ ռուսական ուղղաթիռի խոցման մասին:

Ըստ Haberturk-ի՝ նշելով, որ Թուրքմենստան այցի շրջանակներում օրակարգային կետերում եղել է նաև ռուսական ինքնաթիռի խոցումը, Էրդողանը հայտնել է, որ «ինքնաթիռի խոցումը եղել է պահի տակ»:

«Այցի շրջանակներում հարցեր հնչեցին, թե «խնդրի լուծման համար ի՞նչ միջոցներ կարելի է ձեռնարկել, և իրենք ի՞նչ կարող են անել այդ ուղղությամբ»: Մենք հայտնեցինք, որ լարվածության դեմ ենք: Ջանքեր ենք գործադրում, որպեսզի հետագա գործընթացը խաղաղությամբ շարունակենք: Վերջին 10-11 տարվա ընթացքում  ՌԴ-ի հետ մեր ստրատեգիական հարաբերությունները հաջողությամբ իրականացրեցինք: Մենք կողմ ենք, որ դրանք այդպես էլ շարունակվեն»,- ասել է Թուրքիայի նախագահը: