Ֆիլմ, որը կցուցադրեն միայն 100 տարի անց

ՌԵժիսոր Ռոբերտ Ռոդրիգեսը եւ դերասան Ջոն Մալկովիչը ֆիլմ են նկարահանել,  որը կարելի կլինի տեսնել միայն 100 տարի անց` 2115 թվականի նոյեմբերի 15-ին, հայտնում է Variety-ն: Նրանք ֆիլմի տեսագրությունը տեղադրել են հատուկ անոթի մեջ եւ պահել Ֆրանսիայում` Լյուդովիկոս 18-րդ-ի  գանձարանում: Ֆիլմը պատվիրել է  Louis XIII կոնյակի  բրենդը:

Ֆիլմի սյուժեի մանրամասներ չեն հրապարակվում, սակայն հայտնի է, որ  նրանում ցուցադրվում են ապագայի մասին տարբեր պատկերացումներ: Ֆիլմը ստեղծողները YouTube-ում հրապարակել են  3 դրվագ, որոնցում միեւնույն տեսարանն է` տարբեր դեկորացիաներով ու միջավայրով` քաղաքակրթության  զարգացման 3 տարբերակներով:

«Ապագան կարող է լինել բարձր տեխնոլոգիական, հետչեռնոբիլյան, վերադարձ դեպի բնություն են ռետրոապագա, ինչպես ներկայացնում էին 1940-1950  գիտաֆանտաստները»,- մանրամասնել է Մալկովիչը:

Ի դեպ, ֆիլմի ցուցադրության մետաղական տոմսերն արդեն վաճառվում են, եւ բոլոր նրանք, ովքեր կգնեն, ֆիլմը դիտելու հնարավորություն կընձեռեն իրենց ժառանգներին: