Ինչու էր Նալբանդյանն այսօր եկել ԱԺ

ՀՀ ԱԳ նախարար Էդվարդ Նալբանդյանն այսօր եկել էր խորհրդարան` հանդիպելու ԱԺ արտաքին հարաբերությունների հանձնաժողովի անդամների հետ: Հանդիպմանը ներկա էին նաև ԵԽԽՎ հայկական պատվիրակության անդամները:

Հանդիպման ավարտին լրագրողների հետ զրույցում Նալբանդյանը նախ հայտարարեց, որ եթե քննարկման նյութը հրապարակման ենթակա լիներ, կհրավիրվեին նաև լրատվամիջոցների ներկայացուցիչներ, սակայն, այնուամենայնիվ, լրագրողների պնդմանն ի պատասխան, ներկայացրեց քննարկված որոշ նյութեր:

Արտաքին գործերի նախարարը հայտնեց, որ քննարկվել են արտաքին քաղաքականությանն առնչվող հարցեր, որոնք հետաքրքրում են մեր պատգամավորներին` միջազգային, տարածաշրջանային: Նա նշեց նաև, որ, անշուշտ, քննարկվել է ԼՂՀ հարցը:

Հայաստան-ԵՄ հարաբերութունների մասին խոսելով` Նալբանդյանը նշեց, որ մինչև տարեվերջ ակնկալվում են Եվրամիության հետ բանակցություններ:

Նախարարը, իրեն հատուկ շտապողականությամբ, չցանկացավ այլ հարցերի պատասխանել և հեռացավ: