Էստոնիան հնարավոր է զինծառայողներ ուղարկի Իրաք

Էստոնիայի պաշտպանության նախարարությունը քննարկում է Իրաք զինծառայողներ ուղարկելու հնարավորությունը՝ զինվորներին «Իսլամական պետություն» ահաբեկչական խմբավորման դեմ պայքարի համար նախապատրաստելու նպատակով. հայտնում է РИА Новости -ն՝ Postimees թերթին հղումով։

 Պարբերականի տվյալներով՝ Էստոնիայի պաշտպանության նախարարությունը հաշվետվություն է պատրաստել, որը կարող է հիմք դառնալ զինծառայողներին Իրաք ուղարկելու համար։ Որոշումը պետք է կայացնի երկրի խորհրդարանը։

«Հաշվետվության համաձայն՝ Աֆղանստանում և Կենտրոնաֆրիկյան Հանրապետությունում առաքելության ավարտից հետո Հետախուզական գումարտակի 600 զինծառայողներ անգործ կմանա... Նոր առաքելությանը կօգներ միջազգային հարթակում երկրի ազդեցությունն ամրապնդելուն\",- գրում է թերթը: