Աշտարակում մանկահասակ երեխայի դի է հայտնաբերվել

Այսօր Աշտարակ քաղաքի հանդամասում արտաշիրմում է կատարվել, և հայտնաբերվել է 4-ամսական երեխայի դի: Փաստի առթիվ Արագածոտնի մարզի քննչական բաժնում հարուցվել է քրեական գործ` ՀՀ քրեական օրենսգրքի 104-րդ հոդվածի հատկանիշներով՝ սպանություն: 

Ըստ shamshyan.com-ի՝ ոստիկանությունը օպերատիվ տվյալներ է ստացել այն մասին, որ Աշտարակ քաղաքի Վանա լճի փողոցին կից հանդամասում՝ գետնահորում, ոմն Հակոբի եւ նրա կնոջ հետ բնակվող ոմն Անժելա 2008 թվականի դեկտեմբեր ամսին ծննդաբերել է իգական սեռի երեխա, որին չպարզված հանգամանքներում սպանել է Հակոբի կին Արմինեն եւ թաղել երեխային նշված գետնահորի հարեւանությամբ:

Ըստ տեղեկությունների՝ երեխայի մայրն ու հայրը Երեւան գնալիս են եղել, եւ երեխայի խնամքը թողել են Արմինեի եւ Հակոբի մորը, սակայն երբ երեխան սկսել է լաց լինել, Արմինեն քարով հարվածել է երեխային՝ սպանելով նրան, որից հետո բրդյա շորերով փաթաթել է եւ թաղել երեխային: