Երթի մասնակից ազատամարտիկը ծեծի է ենթարկվել

Արդեն նշել էինք, որ մի խումբ քաղաքացիներ կազմակերպել էին «ինքնիշխանության երթ»` դեպի ՀՀԿ գրասենյակ: Դա բողոքի երթ էր` ուղղված Հանրապետական կուսակցության վարած ներքին ու արտաքին քաղաքականության դեմ:

Բողոքի երթի ավարտից անմիջապես հետո երթի կազմակերպիչները ֆեյսբուքյան գրառմամբ տեղեկացրեցին, որ երթի մասնակիցներից մեկը` ազատամարտիկ Սմբատ Հակոբյանը, դաժանաբար ծեծի է ենթարկվել և տեղափոխվել հիվանդանոց:

Yerkir.am-ը  «Սբ Գրիգոր Լուսավորիչ» բժշկական կենտրոնից տեղեկացավ, որ Սմբատ Հակոբյանին հիվանդանոց են տեղափոխել շտապօգնության մեքենայով: «Նրան մեզ մոտ են բերել պառկած վիճակում` շտապօգնության մեքենայով: Այժմ նա հետազոտվում է, դեռ որևէ կոնկրետ բան չեմ կարող ասել նրա վնասվածքների մասին»,- հայտնեցին հիվանդանոցից:

Նշենք նաև, որ այս պահին ակտիվիստները, ի նշան բողոքի, փակել են Աբովյան փողոցը: