ԵՏՄ-ն հաջողությամբ կհաղթահարի բացասական միտումները. Նազարբաև

Ղազախստանի նախագահ Նուրսուլթան Նազարբաևը վստահ է, որ ԵՏՄ-ն հաջողությամբ կհաղթահարի տնտեսությունում առկա բացասական միտումները։ Այդ մասին նա ասել է Սոչիում ՌԴ  նախագահ Վլադիմիր Պուտինի հետ հանդիպման ժամանակ. հայտնում է ТАСС-ը:

«Ոմանք ասում են, որ ԵՏՄ-ն թուլացել  է։ Այն թուլացել է ոչ թե վատ լինելու պատճառով. տնտեսությունները նման միտումներ ունեն։ Մենք առաջին անգամ չէ, որ վերապրում ենք ճգնաժամեր և անկումներ։ Պետք է դրան հանգիստ վերաբերվել, գտնել նոր կետեր՝ հարցերը լուծելու համար»,- ասել է Նազարբաևը։

Նա նաև նշել է, որ Տարածաշրջանների համաժողովը ժամանակին է անցկացվում, քանի որ տարածաշրջանային հարցերը կարևոր նշանակություն ունեն հենց հիմա, երբ կա տուրբուլենտություն տնտեսությունում, անկում` առևտրում, արտահանման գների անկում, պետությունների արժույթների անկայունություն։