Կառավարությունը ստեղծում է նոր` շուկայի վերահսկողության տեսչական մարմին

Այսօր կառավարության նիստում հաստատվեց էկոնոմիկայի նախարարության` շուկայի վերահսկողության տեսչական մարմին ստեղծելու մասին որոշումը: Ըստ այդմ` այդ տեսչական մարմինը իրականացնելու է  վերահսկողական գործառույթներ, ինչպես նաև օրենքով սահմանված կարգով կիրառելու է պատասխանատվության միջոցներ ոչ պարենային արտադրանքի տեխնիկական կանոնակարգերով սահմանված պահանջների պահպանման, չափումների միասնականության ապահովման, թանկարժեք մետաղներից պատրաստված իրերի հարգորոշման և հարգադրոշմման պայմանների պահպանման, թանկարժեք մետաղների, թանկարժեք մետաղներից պատրաստված իրերի մասնագիտացված, այդ թվում` մանրածախ առուվաճառքի և դրանցով գործարքների իրականացման համար` համապատասխանության գնահատման բնագավառներում հանդես գալով Հայաստանի Հանրապետության անունից:

Նոր տեսչական մարմնի կառուցվածքային ստորաբաժանումներն են

1. Ռիսկի գնահատման  և վերլուծությունների վարչություն

2. Իրավական աջակցության և փաստաթղթաշրջանառության բաժին

3. Տեխնիկական կանոնակարգերով սահմանված պահանջների և թանկարժեք մետաղների վերահսկողության վարչություն

4. Չափագիտական կանոնների և նորմերի վերահսկողության վարչություն

5. Որակի ապահովման բաժին

6. Իրազեկման, խորհրդատվության և հանրության հետ տարվող աշխատանքների բաժին