Կեցցե՛ս, Արթո՛ւր ջան, մենք հպարտանում ենք քեզանով. սպորտի նախարար

Լաս Վեգասում ընթացող` ըմբշամարտի աշխարհի առաջնությունում հունահռոմեական ոճի ըմբիշ Արթուր Ալեքսանյանը 2-րդ տարին անընդմեջ նվաճել է աշխարհի չեմպիոնի կոչումը: Այս առիթով սպորտի և երիտասարդության նախարար Գաբրիել Ղազարյանը ֆեյսբուքյան իր էջում գրել է.

«Շնորհավորում եմ բոլորիս ըմբշամարտի աշխարհի առաջնությունում Արթուր Ալեքսանյանի փայլուն ելույթների և, իհարկե, աշխարհի չեմպիոնության իր կոչումը պահպանելու կապակցությամբ: Հետևելով նրա բոլոր մենամարտերին, կրկին անգամ համոզվեցի, որ ըմբշամարտի հայկական դպրոցը լավագույններից մեկն է, իսկ Արթուրը մեկ անգամ ևս ապացուցեց, որ հավասարը չունի աշխարհում: Նրա հաղթանակը օլիմպիական չեմպիոն Ղասեմ Ռեզայի նկատմամբ համարում եմ հատկանշական և հավատով սպասում Արթուրի օլիմպիական ոսկե մեդալին: Կեցցե\'ս Արթուր ջան, մենք հպարտանում ենք քեզանով»: