Արփինե Հովհաննիսյանը լավ, բանիմաց իրավաբան է. ՀԱԿ պատգամավորներ

ՀԱԿ խմբակցության պատգամավոր, իրավաբանական գիտությունների թեկնածու, ՀՀ նախկին   զինդատախազ Գագիկ Ջհանգիրյանը, Yerkir.am-ի հետ զրույցում, խոսեց արդարադատության նոր նախարարի նշանակման մասին:

«Որպես իրավաբան, Արփինեն բանիմաց, խելոք իրավաբան է»,- ասաց Գագիկ Ջհանգիրյանը:

Իսկ ՀԱԿ խմբակցության պատգամավոր Լյուդմիլա Սարգսյանը ասաց.

«Արփինե Հովհաննիսյանը որպես իրավաբան, իրեն շատ լավ է դրսևորել ԱԺ-ում: Նա միշտ անաչառ է եղել, նույնիսկ այն դեպքերում, երբ օրինագիծ է բերվել, որը թերություններ է ունեցել, նա տեսել է այդ թերությունները, և եթե իշխանության այլ ներկայացուցիչների կողմից դա ներկայացվել է որպես անթերի օրինագիծ, ապա նա միշտ օբյեկտիվ է արձագանքել և փորձել է բարեփոխել:Ես կարծում եմ, որ Արփինե Հովհաննիսյանը բավականին կամային հատկություններով մարդ է : Տարիքը իհարկե երիտասարդ է, բայց դա խոչընդոտ չէ` լավ նախարար լինելու համար : Հույս ունենամ, որ նա կարդարացնի իրեն վստահված այդ կարևորագույն օղակը և բարեփոխումներ կիրականացնի : Շնորհավորում եմ և ի սրտե մաղթում եմ արդյունավետ աշխատանք»: