Ալեն Սիմոնյանը պետք է ներողություն խնդրի Վեհափառ Հայրապետից, հետո իր տեղը զիջի բանիմաց մեկին. Զարեհ Քահանա Աշուրյան

Զարեհ Քահանա Աշուրյանը ֆեյսբուքյան իր էջում գրառում է կատարել՝ անդրադառնալով ՀՀ ԱԺ փոխնախագահ Ալեն Սիմոնյանի՝ Վեհափառ Հայրապետի հասցեին ուղղված ոչ կոռեկտ արտահայտություններին: 

Նա, մասնավորապես, նշել է.

«Ազգիս Վեհափառ Հայրապետի մարդասիրական կոչին եւ մտահոգությանը ի պատասխան Ալեն Սիմոնյանի ոչ ադեկվատ եւ լի ցինիզմով մեկնաբանությունը մեկ բան է մեզ հուշում, որ մեկը ով այդպիսի բարձր պաշտոն է զբաղեցնում այն ազգային ժողովում, որը ձեւավորվել է Հայ ժողովրդի Քրիստոնյա զավակների եւ մասնավորապես Հայ Առաքելական Եկեղեցու քրիստոնյա զավակների ձայների գերակշռող մեծամասնությամբ, պետք է օր առաջ հրապարակավ ներողություն խնդրի մեր Եկեղեցու զավակներից եւ իրենց հոգեւոր հորից՝ Վեհափառ Հայրապետից եւ հետո իր տեղը զիջի բանիմաց մեկին ով կկարողանա գիտակցել զբաղեցրած պաշտոնի լրջությունը եւ իրեն կդրսեվորի ըստ այդմ, ոչ թե որպես դեռահաս պատանյակ»։