Լոռու մարզում այրված տղամարդը հոգեկան խնդիրներ ուներ

Արդեն տեղեկացրել ենք, որ այսօր`օգոստոսի 24-ին, վաղ առավոտյան ահազանգ է ստացվել, որ հրդեհ է բռնկվել Լոռու մարզի Պուշկինո գյուղի թիվ 177 տանը: Հրշեջ-փրկարարները տանը հայտնաբերել են 1955 թվականին ծնված Հ. Կ.-ի այրված դին:

Yerkir.am-ը կապ հաստատեց Պուշկինո համայնքի ղեկավար Սուրեն Ավետիսյանի հետ`տեղեկանալու դեպքի մանրամասներին: Ավետիսյանը նշեց, որ այս պահի դրությամբ դեպքի վայրում աշխատում են փորձագետները` պարզելու հրդեհի բռնկման պատճառը: Գյուղապետը նշեց, որ մահացածը Հարություն Կիրակոսյանն  էր, ով հոգեկան խնդիրներ ուներ:

«Նա մենակ էր ապրում: Ամենայն հավանականությամբ, հոգեկան խնդիրներ ուներ: Ունի մի եղբայր, ով ընտանիք ունի և առանձին է ապրում: Իհարկե, փորձագետները կպարզեն հրդեհի բռնկման մանրամասները, սակայն կարծում եմ, որ հրդեհը հնարավոր է բռնկված լինի նրա հոգեկան խնդիրների պատճառով»,- ասաց գյուղապետը: