Գեղադիրում կնոջը սպանած տղամարդը հոգեկան խնդիրներ ունի. մանրամասներ

Արդեն հայտնել ենք, որ երեկ դաժան սպանություն է տեղի ունեցել Արագածոտնի մարզում. Գեղադիր գյուղում 55-ամյա Գևորգ Գալոյանը քնած ժամանակ դանակահարել է կնոջը՝ 52-ամյա Գայանե Գրիգորյանին, ով հիվանդանոց տեղափոխելու ճանապարհին մահացել է:

Yerkir.am-ի տեղեկություններով՝ Գ. Գալոյանը հոգեկան խնդիրներ ունի և հաշվառված է հոգեբուժարանում:

Yerkir.am-ի հետ զրույցում Գեղադիրի գյուղապետ Գնել Գևորգյանը պատմեց, որ սպանվածի  ընտանիքը ծանր սոցիալական պայմաններում է ապրում:

«Ընտանիքում 7 հոգի էին՝  ինքը, կինը, տղան,  հարսը և երեք երեխանը: Ոչ ոք չէր աշխատում, երեխաներից մեկն էլ հաշմանդամություն ունի»,- ասաց գյուղապետը և պատմեց դեպքի մասին: «Դեպքը գիշերն է եղել, հարսը սկեսուրի ձայնն է լսել, վազել է սենյակ, տեսել` սկեսրայրը  դանակահարել է նրան: Զանգել է ամուսնուն: Մինչև հասել է տեղ, զանգել են շտապօգնություն: Հիվանդանոցի ճանապարհին մահացել է»:

 Գյուղապետի խոսքով՝ ամուսինը կնոջը դանակի հարվածներ է հասցրել թոքերի շրջանում: