Դավիթ Հարությունյանը չի բացառել, որ հոսանքի սակագնի տարբերությունը կառավարությունը կվճարի գործարարների նվիրատվություններից

«Հայաստանի էլեկտրական ցանցեր» ՓԲԸ-ում աուդիտը կսկսվի մինչեւ սեպտեմբեր, եթե ոչ օգոստոսին, իսկ այժմ դիտարկվում են հոսանքի գնի բարձրացման 7 դրամը վճարելու աղբյուրները: Այս մասին NEWS.am-ի թղթակցի հետ զրույցում ասել է Կառավարության աշխատակազմի ղեկավար-նախարար Դավիթ Հարությունյանը: Հարցին՝ որտեղից է կառավարությունը վճարելու 7 դրամ տարբերությունը, Դավիթ Հարությունյանն ասել է.«Դեռեւս վաղ է փակագծերը բացելը, աշխատանքները տարվում են եւ անընդհատ որոնվում են այլ, նաեւ՝ այլընտրանքային աղբյուրներ»:

Կարելի՞ է ասել,  որ վճարումն արտաբյուջետային միջոցներից կլինի:

«Ճիշտ է ասել ոչ բյուջետային, դա ավելի լայն հասկացություն է, քան արտաբյուջետայինը: Արտաբյուջետայինը դրանք այն աղբյուրներն են, որոնք ձեւավորվում են վճարովի ծառայությունների արդյունքում պետական կազմակերպությունների կողմից, իսկ ոչ բյուջետային միջոցների մեջ կարող են մտնել նաեւ մասնավոր միջոցները»,- ասել է Դավիթ Հարությունյանը:

Նա չի բացառել, որ կարող է նաեւ մասնավոր նվիրատվությունների հաշվին կարող է  լինել վճարումը:

Մանրամասները՝ այստեղ:

Հիշեցնենք, որ ավելի վաղ վարչապետ Հովիկ Աբրահամյանը հայտնել էր, որ պետությունը բյուջեից չի կատարելու սակագնի տարբերության վճարումը: