Մայր եւ որդի կայծակնահարվել են

Կայծակնահարության հերթական դեպքն է գրանցվել: Շուրջ մեկ ժամ առաջ, Yerkir.am-ի տեղեկություններով, Արարատի մարզի Վեդի քաղաքում կայծակի հարվածից ծանր տուժել են մայր ու որդի` Անահիտ և Արշակ Քոչարյանները:

Դաշտում հոսանքահարված բնակիչների կյանքը Վեդու ԲԿ բժիշկներին հաջողվել է փրկել.  նրանց անմիջապես տեղափոխել են Վեդու հիվանդանոց, առաջին բուժօգնությունը ցուցաբերելուց հետո շտապօգնության ամբուլատոր մեքենաներով այս պահին փորձում են տեղափոխել «Էրեբունի» ԲԿ:

Տուժողների վիճակն այս պահի դրությամբ գնահատվում է ծանր: Մայրը  54 տարեկան է, որդին` 35:

Նշենք, որ տուժածները Վեդու ոստիկանապետ Սևան Քոչարյանի բարեկամներն են: