Այդքան մակարդակ չունի. ԱՄՆ պետդեպի խոսնակը՝ Անկարայի քաղաքապետի մասին

ԱՄՆ պետդեպարտամենտի խոսնակ Մարի Հարֆը երկրորդ անգամ է արձագանքել Անկարայի քաղաքապետ Մելիհ Գյուքչեքի` իրեն ուղղված վիրավորական հրապարակմանը:

Ըստ Sozcu-ի՝ լրագրողները հերաքրքրվել են առաջիկա օրերին Թուրքիայում կազմակերպվելիք` ՆԱՏՕ-ի համաժողովին մասնակցելու համար Անկարա ժամանող Մարի Հարֆից, թե արդյո՞ք թուրք քաղաքապետը մասնակցելու է համաժողովին։ «Այդ համաժողովներին մասնակցելու մակարդակը չունի»,- պատասխանել է ամերիկացի պաշտոնյան։

Հիշեցնենք, որ Բալթիմորի իրադարձությունների վերաբերյալ Անկարայի քաղաքապետ Մելիհ Գյուքչեքը համացանցում վիրավորական գրառում էր արել՝ Մարի Հարֆին «ապուշ շիկահեր» անվանելով: