Լավրովի այցը Թուրքիա չեղյալ է համարվել

ՌԴ ԱԳՆ ղեկավար Սերգեյ Լավրովի պաշտոնական այցը Թուրքիա, որը նախատեսված էր մայիսի 16-ին, չեղյալ է հայտարարվել` թուրքական կողմի խնդրանքով:

Հիշեցնենք, որ մայիսի 16-ին նախատեսվում էր անցկացնել ռուս-թուրքական ռազմավարական համագործակցության  5-րդ նիստը: 

Ըստ ռուսական «Известия»-ի` մայիսի 16-ին Անթալիայում նախատեսվում էր անցկացնել ռուս-թուրքական ռազմավարական համագործակցության հերթական՝ հինգրերորդ նիստը: Եվ հենց այդ նիստին մասնակցելու համար Սերգեյ Լավրովը մեկնելու էր Թուրքիա:

Դիվանագիտական աղբյուրը Известия-ին հայտնել է, որ  պատճառաբանությունն այն է, որ նիստը հետաձգվում է խորհրդարանական ընտրությունների պատճառով` մինչեւ ձևավորվի նոր կառավարություն:

Սակայն, ըստ պարբերականի, որոշման պատճառներից մեկն այն է, որ  ՌԴ նախագահ Վլադիմիր Պուտինի ապրիլի 24-ին այցելել էր Երևան՝ Հայոց ցեղասպանության 100-ամյա տարելիցի միջոցառումներին մասնակցելու: