Ադրբեջանի ԱԳՆ-ն դարձյալ դժգոհ է. BBC-ն ԼՂՀ-ի մասին ռեպորտաժ է պատրաստել

Ադրբեջանի ԱԳՆ-ն իր դժգոհությունն է հայտնել  BBC հեռուստառադիոընկերությանը` թղթակից Ռեդա էլ Մավիի` ԼՂՀ-ի մասին ռեպորտաժի համար. հայտնում է APA-ն:

Ադրբեջանի ԱԳՆ մամուլի քարտուղար Հիքմեթ Հաջիևը հայտարարել է, որ ադրբեջանական կողմի դժգոհությունը հասցվել է BBC-ին:

«Մենք BBC-ի ղեկավարությունից պահանջում ենք հստակություն մտցնել այդ հարցում:  Ինչպես երևում է ռեպորտաժից, հեռուստաընկերության թղթակիցն անօրինականորեն մեկնել է Ադրբեջանի գրավյալ տարածք՝ դրանով իսկ խախտելով Ադրբեջանի «Պետական սահմանի մասին» օրենքը»,- ասել է նա։

Նշենք, որ BBC-ի թղթակցը ռեպորտաժ է պատրաստել Սիրիայից գաղթած և ԼՂՀ-ում հաստատված հայերի մասին: