«Բանանց»-«Շիրակ»`3:6. Բուգուհին` 4 գոլի հեղինակ (մրցաշարային աղյուսակ)

Ֆուտբոլի Հայաստանի Բարձրագույն խմբի առաջնության 22-րդ տուրում Գյումրիի «Շիրակ»-ը Երևանում 6:3 հաշվով առավելության հասավ «Բանանց»-ի նկատմամբ: Գյումրեցիների կազմում փայլեց Իվուարցի հարձակվող Ժան-Ժակ Բուգուհին, ով դարձավ 4 գոլի հեղինակ:  Հատկանշական է, որ «Շիրակ»-ի հարձակվողը պոկեր ձևակերպեց ընդամենը 15 րոպեների ընթացքում (50', 57', 59', 64',): «Շիրակ»-ի կազմում մեկական անգամ էլ աչքի ընկան Էդգար Մալաքյանն (30') ու Անդրանիկ Բարիկյանը (40'): «Բանանց»-ի կազմում գոլի հեղինակ դարձան Պետրոս Ավետիսյանը (49') և Պեդրո Լոպեսը (71'): Մեկ անգամ էլ գյումրցիների պաշտպան Գևորգ Հովհաննիսյանը դարձավ ինքնագոլի հեղինակ (88'):

Այս տուրից հետո մրցաշարային աղյուսակը շարունակում է գլխավորել «Փյունիկ»-ը, որն ունի 45 միավոր: 2-րդ և 3-րդ տեղում ընթացող «Շիրակ»-ն ու «Միկա»-ն ունեն 41-ական միավոր:

Ռմբարկուների աղյուսակը շարունակում է գլխավորել «Փյունիկ»-ի մեքսիկացի հարձակվող Սեզար Ռոմերոն: Հեղինակած պոկերի շնորհիվ «Շիրակ»-ի հարձակվող Բուգուհին մեքսիկացուց արդեն ետ է մնում ընդամենը մեկ գոլով: