«Անտունի» բալետի օրատորիան` ապրիլի 23-ի ուղիղ կեսգիշերին Ազատության հրապարակում

ՀՀ նախարարությունները պատրաստվում են ապրիլի 24-ի միջոցառումներին: Մշակույթի նախարարությունն իր հերթին հատուկ միջոցառում է պատրաստել այդ օրվա կապակցությամբ:

Yerkir.am-ին մշակույթի նախարարության հասարակայնության հետ կապերի բաժնից տեղեկացրին, որ ԽՍՀՄ Ժողովրդական արտիստ Էդգար Հովհաննիսյանի` կեսդարյա պատմություն ունեցող «Անտունի» բալետի օրատորիան (բալետի 2-րդ արարից) հանրությանը կներկայացվի ապրիլի 23-ի ուղիղ կեսգիշերին Ազատության հրապարակում: Կմասնակցեն Ալ. Սպենդիարյանի անվան օպերայի և բալետի ազգային ակադեմիական թատրոնի նվագախումբն ու երգչախումբը /դիրիժոր՝ Կարեն Դուրգարյան, խմբավար՝ Ռ.Մելիքյան: Միջոցառումը կտևի շուրջ 1 ժամ: