Էջմիածնում սպանության դեպքի առթիվ քրգործ է հարուցվել

Արդեն հայտնել ենք, որ այսօր սպանություն է տեղի ունեցել Արմավիրի մարզում: Էջմիածին քաղաքի Չարենցի փողոցի թիվ 4 շենքի մոտակայքում` շենքի բակում կանգնած «Ինֆինիտի» մակնիշի ավտոմեքենայում հայտնաբերվել է 51-ամյա Հայկարամ Գրիգորյանի դին:

Նախնական վարկածով՝ քաղաքացին սպանվել է «Մակարով» տեսակի ատրճանակից արձակված 5-6 կրակոցներից:

Yerkir.am-ը  ՀՀ քննչական կոմիտեից տեղեկացավ, որ դեպքի առթիվ հարուցվել է քրեական գործ՝ ՀՀ քր.օր-ի 104 հոդվածի 1-ին և 235 հոդվածի 1-ին մասերի հատկանիշներով: Ձեռնարկվում են օպերատիվ-քննչական միջոցառումներ՝ հանցագործություն կատարած անձի կամ անձանց ինքնությունը պարզելու, նրանց հայտնաբերելու ուղղությամբ: