Փոխարժեքներ
21 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Ալյուրի հարստացումը կազդի՞ հացի գնի վրա: Այսօր կառավարության հետ հարցուպատասխանի ժամանակ ՕԵԿ-ական պատգամավոր Իշխան Խաչատրյանն այս հարցն ուղղեց ՀՀ առողջապահության նախարար Արմեն Մուրադյանին:
«Արդյոք իրականացվե՞լ են համապատասխան առողջապահական ուսումնասիրություններ ՀՀ առողջապահության նախարարության կողմից նախքան օրենքի ընդունումը»,- հարցրեց պատգամավորը կառավարության` ալյուրի հարստացման օրենքի վերաբերյալ:
Առողջապահության նախարարը նշեց, որ ուսումնասիրություններ արվել են, որոնք վկայում են, որ կա սակավարյունության խիստ արտահայտված խնդիր բնակչության, հատկապես` վերարտադրողական տարիքի կանանց և նախադպրոցական տարիքի երեխաների շրջանում: Ահա, թե ինչու, որպես խնդրի լուծում, նախընտրել են ալյուրի հարստացման միջոցը:
Պատգամավորը հարցրեց նաև` արդյո՞ք ալյուրի հարստացումը ազդելու է հացի գնի վրա, և արդյո՞ք հարստացման մասին փաթեթավորման վրա արձանագրվելու է: Նախարարը նշեց, որ հացը չի թանկանալու, քանի որ ծախսարդյունավետության տեսակետից ալյուրի հարստացումը համարվում է ամենաարդյունավետը: