Շաբոյանը բացատրեց, թե ինչու հացի գինը չի նվազում` ալյուրի գնին համապատասխան

Այսօր կառավարության նիստի օրակարգին անցնելուց առաջ ՀՀ վարչապետ Հովիկ Աբրահամյանը խնդրեց ՏՄՊՊՀ պետ Արտակ Շաբոյանին, որ նա ներկայացնի հացի շուկայում կատարված ուսումնասիրությունները: Հիշեցնենք, որ խոսքը վերաբերում է հացի գնին. ալյուրի գները նվազել էին, իսկ հացի գները` ոչ:

ՏՄՊՊՀ նախագահ Արտակ Շաբոյանը հիշեցրեց, որ 2015թ. ընթացքում ալյուրի գինը նվազել էր, այն հիմնականում ներմուծվում էր Ռուսաստանից, բայց ալյուրի գնին համարժեք հացի գները չէին նվազել, նվազումը կազմել էր ընդամենը 9-10 տոկոս:

Ըստ նրա` հացի գնագոյացման մեջ ալյուրի գնի մասնաբաժինը կազմում է միայն 52 տոկոս, հացի գնագոյացման մեջ էական մասնաբաժին ունեն գազի և էլեկտրաէներգիայի բարձր սակագները, որոնք էլ թույլ չեն տալիս, որ հացի գինը նվազի ալյուրի գնին համապատասխան: