Հայրը չի հասցրել կանխել որդու ինքնասպանությունը

ՏԿԱԻ նախարարությունը հայտնում է՝ մարտի 9-ին, ժամը 23.32-ին տեղեկատվություն է ստացվել, որ անձը չպարզված քաղաքացին ինքնասպան է եղել` ցած նետվելով Երևանի Դավթաշենի կամրջից: Դեպքի վայր է մեկնել մեկ մարտական հաշվարկ և ՃԿԿ օպերատիվ խումբը:

Կամրջի տակ` գետի ափամերձ հատվածում, հայտնաբերվել է Դավիթաշեն 3-րդ թաղամասի թիվ 30 շենքի 27-րդ բնակարանի բնակիչ՝ 1977թ. ծնված Ս. Հ.-ն: Հրշեջ-փրկարարները դուրս են բերել դին և իրականացրել տարածքի լվացման աշխատանքներ:

Ըստ shamshyan.com-ի` կամրջի վրա էլ ոստիկանները օգնություն են ցուցաբերել մի տղամարդու, ով, ըստ տեղեկությունների, ինքնասպան եղած տղայի հայրն է: Դեպքի վայրում հավաքվածներն ասում էին, որ հայրը ականատես է եղել այդ դաժան տեսարանին և անգամ փորձել է կանխել տղայի ինքնասպանությունը, սակայն դա նրան չի հաջողվել: