Հերթական արյունոտ միջադեպը` Պռոշյան գյուղում

Կոտայքի մարզի Պռոշյան համայնքում այսօր հերթական արյունոտ միջադեպն է գրանցվել:  Անհայտ անձը հրազենից վիրավորել է 33-ամյա Արման Թադեւոսյանին:

Yerkir.am-ին  ոստիկանությունից հայտնեցին, որ նրան տեղափոխել են «Արմենիա» բժշկական կենտրոն: Դեպքի վայրի զննությամբ հայտնաբերվել են պարկուճներ: Ձեռնարկվում են օպերատիվ-հետախուզական միջոցառումներ հանցագործություն կատարած անձին հայտնաբերելու ուղղությամբ:

Հիշեցնենք, որ Պռոշյան համայնքում  2013-ի ապրիլի 2-ի առավոտյան անհայտ անձը կրակ էր բացել Պռոշյանի` այն ժամանակվա գյուղապետ Հրաչ Մուրադյանի վրա և, նրան մահացու հրազենային վիրավորում պատճառելով, դիմել փախուստի: Մուրադյանի սպանությունը մինչ օրս բացահայտված չէ: