Կյանքից հեռացել է ՀՀ արվեստի վաստակավոր գործիչ Անդրանիկ Հարությունյանը

Հունվարի 14-ին, կյանքի 72-րդ տարում երկարատև հիվանդությունից հետո վախճանվել է ճանաչված դերասան, ՀՀ արվեստի վաստակավոր գործիչ Անդրանիկ Հարությունյանը: Անդրանիկ Հարությունյանի մահվան կապակցությամբ, ՀՀ վարչապետի որոշմամբ, ստեղծվել է թաղման կառավարական հանձնաժողով:

Անդրանիկ Հարությունյանը Երևանի գեղարվեստա-թատերական ինստիտուտն ավարտելուց հետո երկար տարիներ աշխատել է Հրաչյա Ղափլանյանի անվան դրամատիկական թատրոնում, ուր ստեղծել է մոտ երկու տասնյակ բեմատիպարներ: Մասնակցել է բազմաթիվ հեռուստաներկայացումների, խաղացել մոտ 20 դեր, հանդես եկել ռադիոբեմադրություններում: Նրա ստեղծագործության գագաթը Դավթի կերպավորումն էր՝ «Սասնա ծռեր» ազգային էպոսի ռադիոբեմադրության մեջ: Կյանքի վերջին տարիներին Գ. Սունդուկյանի անվան ազգային ակադեմիական թատրոնի դերասան էր:

Նկարահանվել է գեղարվեստական ֆիլմերում: Եղել է նաև ՀՀ մշակույթի, սպորտի և երիտասարդության հարցերի նախարարության արվեստի գործերի վարչության պետ...