Երեկվա շոկը, կարծես, անհիմն էր. վարչապետը խոսեց

Այսօր վարչապետ Հովիկ Աբրահամյանն այցելել է Երեւանում գործող մի քանի սուպերմարկետներ, ծանոթացել գներին, նաեւ եղել տեղի փոխանակման կետերում:

Նա նախ հայտարարեց, որ այս մի քանի օրերի ընթացքում անհիմն թանկացումների ականատես եղանք, հատկապես` երեկ դոլարը գերարժեւորվել էր, իսկ դրամը` արժեզրկվել: «Հիմա, կարծես, ամեն ինչ իր իրական տեղը կընկնի»,- ասաց նա:

Yerkir.am-ի հարցին, թե ե՞րբ վերջնականապես իրավիճակը կհստակեցվի, կկայունանա, Աբարահամյանը պատասխանեց, որ առաջիկա շաբաթվա ընթացքում արդեն ակնհայտ կլինի դոլարի իրական փոխարժեքը: «Փորձում ենք բոլորին բերել օրենքի դաշտ: Երեկվա շոկը, կարծես, անհիմն էր»,- ասաց նա:

Մեր այն դիտարկմանը, թե արդյո՞ք ուշացած չէին իր եւԿԲ նախագահի երեկվա հայտարարությունները, վարչապետն արձագանքեց, որ իրենք մեկ օր բացակայել են երկրից, հավանաբար, «այդ առիթի էլ օգտվել են սպեկուլյանտները»:

Շարունակությունը՝ քիչ անց: