ԱԺ-ում լրագրողների հաշվին խնայողություն են անում

Ազգային ժողովը խնայողություններ է անում բոլոր այն դեպքերում, եթե հարցը որևէ կերպ վերաբերում է լրագրողներին:

Այսօր, օրինակ, երբ ԱԺ նախագահը հայտարարեց, որ դրամ-դոլար տատանումների վերաբերյալ արտահերթ նիստը դռնփակ է անցկացվելու, լրագրողներից պահանջեցին ազատել ոչ միայն օթյակները, այլ նաև օթյակների միջանցքները: Եվ նույն պահին անջատեցին այն միջանցքի ջեռուցումը, որտեղ նստած աշխատում էին բազմաթիվ լրագրողներ:

Հայտնի չէ, թե արտահերթ նիստը քանի ժամ կտևի, իսկ լրագրողներն արդեն սառել են: Ուշագրավ է, որ «խնայողություններ» անող ԱԺ-ն մյուս կողմից էլ կարող է այս ձմեռային պայմաններում նախաձեռնել ԱԺ բակի զանգվածային վերանորոգում: Տասնյակ մարդիկ են աշխատում, փոխում սալահատակը, նոր ասֆալտ փռում, շինարարական տեխնիկա է ակտիվ աշխատում, թեև  ԱԺ բակը քանդելու և լայնածավալ վերանորոգման աշխատանքներ իրականացնելու իմաստ ընդհանրապես չկար: