ՏԵՍԱՆՅՈՒԹ․ Կանոնների խստացումները չպետք է լինեն լրագրողների իրավունքների հաշվին. պատգամավոր

Առաջիկայում պատրաստվում եմ մեծ քննարկում կազմակերպել, որտեղ ներկայացված կլինեն լրատվամիջոցների ղեկավարները, նաև հասարակական կազմակերպությունների ներկայացուցիչներ, ինչպես նաև Ազգային ժողովի ղեկավարությունը, որպեսզի այս հարցը իսպառ իր լուծումը ստանա: Այս մասին այսօր Ազգային ժողովում լրագրողների բողոքի ակցիայի ժամանակ ասաց ԱԺ «Պատիվ ունեմ» խմբակցության պատգամավոր Թագուհի Թովմասյանը:

«Ես առաջարկում եմ, որ դուք ակտիվ մասնակցեք այդ քննարկմանը և կոնկրետ առաջարկներով հանդես գաք, որպեսզի հնարավորություն լինի որևէ կերպ այս իրավիճակը շտկել: Ես ձեզ հասկանում եմ, ես երկար տարիներ լրագրող եմ եղել, լուսաբանել եմ խորհրդարանի աշխատանքը, մենք ավանդույթի ուժով ազատ տեղաշարժվել ենք, պատգամավորների հետ արել ենք հարցազրույցներ միջանցքներում, նաև սենյակներում և ոչ այգում: Բնակաբար ես կարծում եմ, որ այս իրավիճակը պետք է որոշակի փոփոխության ենթարկվի՝ հաշվի առնելով նաև անվտանգային կանոնները: Իհարկե, մենք պետք է հաշվի առնենք, բոլոր կանոնների խստացումները պետք է պահպանվեն, բայց դրանք չլինեն լրագրողների իրավունքների հաշվին»:

Ամբողջական ճեպազրույցը՝ տեսանյութով: